ბელგოროდის შემდეგ, უკრაინის მოსაზღვრე რუსეთის ქალაქმა კურსკმა 9 მაისს დაგეგმილი სამხედრო აღლუმი გააუქმა. გადაწყვეტილება „უსაფრთხოების საფრთხეების“ გამო მიიღეს.
კურსკის გუბერნატორის რომან სტაროვოიტის თქმით, გადაწყვეტილება რეგიონული სამუშაო ჯგუფის მიერ გასულ კვირას ანტიტერორისტული ზომების გაძლიერების შესახებ მიღებულ გადაწყვეტილებას ეფუძნება.
„უსაფრთხოების მიზნით, 9 მაისს კურსკში აღლუმი არ ჩატარდება“, - განაცხადა სტაროვოიტმა.
გასულ კვირას ბელგოროდის რეგიონულმა ხელისუფლებამ 9 მაისის აღლუმის გაუქმების შესახებ განაცხადა, იმ მოტივით, რომ „მათ განზრახვა ჰქონდათ, არ გაეპროვოცირება მოწინააღმდეგე ბელგოროდის ცენტრში აღჭურვილობისა და სამხედრო პერსონალის დიდი კონცენტრაციით“.
მანამდე, რუსეთის პრეზიდენტის პრესმდივანმა დიმიტრი პესკოვმა განაცხადა, რომ 9 მაისს, მოსკოვში, წითელ მოედანზე გამარჯვების დღის აღლუმის დროს უსაფრთხოების გაძლიერებული ზომები იქნება მიღებული.