ფილმის პრემიერა 2026 წლის ბოლომდე შედგება.
Atomic Monster და Blumhouse მუშაობენ ფილმზე სახელწოდებით Soulm8te, რომლის მოქმედებაც M3GAN-ის საშინელებათა სამყაროში ვითარდება. ეს არ არის საშინელებათა ფილმი, არამედ ეროტიკული თრილერი.
„Soulm8te“-ს სიუჟეტი ცოლის დაკარგვის შემდეგ მამაკაცზეა. დანაკარგთან გასამკლავებლად, ის ხელოვნური ინტელექტის მქონე ანდროიდს იძენს - სექს-თოჯინის გაუმჯობესებულ ვერსიას.
რობოტის სრულფასოვან პარტნიორად გარდაქმნის მცდელობისას, ფილმის გმირი გონიერების საზღვრებს სცილდება. შედეგად, სექს-თოჯინა „მომაკვდინებელ მეორე ნახევარად“ გარდაიქმნება.
ფილმის რეჟისორი კეიტ დოლანი იქნება, რომელმაც ასევე ორიგინალური სცენარის ადაპტაცია მოახდინა. დოლანის თქმით, ფილმი ურთიერთობებსა და მარტოობას იკვლევს.
Soulm8te-ის მსახიობების შემადგენლობა ჯერ არ გამოცხადებულა. M3GAN სამყაროს შემქმნელი, ჯეიმს ვანი, ფილმის ერთ-ერთი პროდიუსერი იქნება; ვანი გვპირდება, რომ ფილმი ამ სამყაროს „მაცდური დამატება“ იქნება.
Soulm8te-ის პრემიერა 2026 წელს შედგება, ზუსტი თარიღი ჯერ დადგენილი არ არის.