სახელმწიფო დუმის დეპუტატი ნიკოლაი ბორცოვი გარდაიცვალა, - ამის შესახებ ფრაქცია „ერთიანი რუსეთის“ პრესსამსახური 23 აპრილს იტყობინება.
„ღრმა მწუხარებით გაცნობებთ, რომ სახელმწიფო დუმის დეპუტატი ნიკოლაი ივანოვიჩ ბორცოვი დღეს, 78 წლის ასაკში, მოულოდნელად გარდაიცვალა“, - ნათქვამია განცხადებაში.
ბორცოვი 77 წლის იყო, იგი დაიბადა 1945 წლის 8 მაისს.
Forbes-მა ნიკოლაი ბორცოვის ქონება 2021 წელს 550 მილიონ დოლარად შეაფასა.
რუსეთის თავდაცვის მინისტრის, სერგეი შოიგუს ქალიშვილმა, ქსენია შოიგუმ, ახალი წლის არდადეგები დუბაიში გაატარა. ფოტო, რომელზეც ქსენია შოიგუ დუბაი მოლში, Louis Féraud-ის ბუტიკის წინ დგას, ვოლოგდის ოლქის საკანონმდებლო კრების წევრმა, დენის დოლჟენკომ გამოაქვეყნა, იტყობინება Sota.
ფოტოს წარწერაში ნათქვამია, რომ ის ვოლოგდაშია გადაღებული, თუმცა ფოტოზე გამოსახული ბუტიკის სახელწოდება ამას ეწინააღმდეგება: რუსეთში ასეთი მაღაზია უბრალოდ არ არსებობს.
უფრო მეტიც, წინა დღეს, დეპუტატმა დოლჟენკომ დუბაიდან გადაღებული ფოტოები გამოაქვეყნა, თავისი ადგილსამყოფელი საერთოდ არ დაუმალავს:
ჟურნალისტმა სერგეი ეჟოვმა დაადასტურა სოტას ინფორმაცია, რომ სერგეი შოიგუს ქალიშვილი დუბაიში ისვენებს და იპოვა სასტუმრო, სადაც ის და მისი ქმარი იმყოფებოდნენ:
პროექტ „დაუნდობელი სახელმწიფო წესრიგის“ ფარგლებში ადრე აღინიშნა, რომ შოიგუს ქალიშვილი შესაძლოა დუბაიში ისვენებდეს:
საინტერესოა, რომ „ერთიანი რუსეთის“ გენერალური საბჭოს მდივანმა ანდრეი ტურჩაკმა დეპუტატ დოლჟენკოს პარტიული ბარათის ჩამორთმევა დაჰპირდა შეუფერებელი ფოტოების გამო: „ამ დღესასწაულებზე რამდენიმე გახმაურებული სიტუაცია შეიქმნა, როდესაც „ერთიანი რუსეთის“ პარლამენტის წევრები შეუფერებლად იქცეოდნენ. ცხოვრებაში ბევრი გატაცებაა - სირბილი, ყვინთვა, თხილამურებით სრიალი... მაგრამ ყველაფერს თავისი დრო და ადგილი აქვს. ხვალ ჩვენს კიდევ ერთ დეპუტატს პარტიული ბარათი ჩამოერთმევა. ის თავად გაკოტრდა...“
თავად დოლჟენკომ განაცხადა, რომ ოფიციალური შვებულების დროს დუბაიში იმყოფებოდა და შვილი ექიმების რეკომენდაციით წაიყვანა, თუმცა პარტიული ბილეთი არ აქვს, რადგან უპარტიოა.
დეპუტატმა პუტინი უკრაინაში ომის გამო გააკრიტიკა.
პაველ ანტოვი, 65 წლის რუსი პარლამენტის წევრი „ერთიანი რუსეთიდან“, ინდოეთში გარდაცვლილი იპოვეს. მისი ცხედარი სისხლის გუბეში ეგდო იმ სასტუმროს ფანჯრების ქვეშ, სადაც ის 65 წლის იუბილეს აღნიშნავდა. პოლიციის ცნობით, ის ოდიშას შტატის ქალაქ რაიაგადაში მდებარე „საი ინტერნეშენალ“ სასტუმროს ფანჯრიდან გადმოვარდნის შედეგად გარდაიცვალა. ანტოვს მეუღლე და ქალიშვილი დარჩა.
ამის შესახებ გამოცემა „დეილი მეილი“ წერს.
ანტოვის გარდაცვალებამდე რამდენიმე დღით ადრე, 22 დეკემბერს, იმავე სამვარსკვლავიან სასტუმროში გარდაიცვალა მისი მეგობარი და თანამგზავრი, ვლადიმერ ბიდენოვი. ის გარდაცვლილი იპოვეს თავის ოთახში, იატაკზე, ცარიელ ღვინის ბოთლებს შორის.
წყაროების ცნობით, ანტოვი დეპრესიაში იყო და ბიდენოვის გარდაცვალება ძალიან მძიმედ გადაიტანა.
ის სასტუმროსთან ახლოს სისხლის გუბეში იპოვეს. გიდმა სასწრაფო დახმარება გამოიძახა და ბიზნესმენი საავადმყოფოში გადაიყვანეს, სადაც გარდაიცვალა. როგორც ამბობენ, ის სასტუმროში ოთხკაციან ჯგუფში იმყოფებოდა. მისი თანმხლები გარდაიცვალა, დანარჩენი ორი მამაკაცის ვინაობა კი დადგენილი არ არის.
რუსეთის გენერალურმა საკონსულომ განაცხადა, რომ ისინი ვერ ხედავენ კავშირს ორ გარდაცვალებას შორის. მათ დაადასტურეს ოლიგარქის გარდაცვალება და ხაზგასმით აღნიშნეს, რომ მისი თანმხლები პირი „გულის შეტევით“ გარდაიცვალა.
პაველ ანტოვი ვლადიმირის რეგიონალური საკანონმდებლო ასამბლეის წევრი და „ვლადიმერ სტანდარტის“ კომპანიების ჯგუფის ვიცე-პრეზიდენტია, რომელიც ხორცისა და ძეხვის პროდუქტების მსხვილი მწარმოებელია.
2018 წელს Forbes-მა მისი შემოსავალი 10 მილიარდ რუბლად შეაფასა. მაშინ ანტოვი რუსეთის უმდიდრესი პარლამენტარებისა და თანამდებობის პირების სიაში პირველ ადგილზე იყო.
ივნისში ანტოვმა კიევზე ომი და საჰაერო დარტყმები რუსულ „ტერორად“ შეაფასა.
რა არის ცნობილი რუსეთის მდიდრების გარდაცვალების შესახებ
ადრე გავრცელდა ინფორმაცია, რომ ნავთობის ბიზნესთან დაკავშირებული რუსების გლობალური წმენდა მიმდინარეობს. ბოლო დროს რამდენიმე ჩინოვნიკი უცნაურ ვითარებაში გარდაიცვალა, ზოგიერთი მათგანი ოჯახებთან ერთად მოკლეს.
GENERALL SVR Telegram არხის ცნობით, რომელიც ხშირად ავრცელებს კრემლის საიდუმლოებებს, „გაზპრომის“ სტრუქტურების, კერძოდ, „გაზპრომბანკის“, ასევე „ნოვატეკის“ ყოფილი და ამჟამინდელი თანამშრომლების უეცარი გარდაცვალება პუტინის თანხმობით, „ფსბ“-ს დირექტორმა ალექსანდრე ბორტნიკოვმა და უშიშროების საბჭოს მდივანმა ნიკოლაი პატრუშევმა წამოიწყეს.
ასევე აღსანიშნავია, რომ „წმენდის“ დაწყების შემდეგ, „გაზპრომბანკის“ ყოფილი ვიცე-პრეზიდენტი იგორ ვოლობუევი უკრაინაში გაიქცა. ერთ-ერთ ინტერვიუში მან განაცხადა, რომ ის თავისი მშობლიური მიწის დასაცავად გადავიდა. ვოლობუევი წარმოშობით ახტირკიდანაა, რომელიც ომის პირველ დღეებში დაიბომბა
ხოლო რუსული ნავთობგიგანტის, „ლუკოილის“ ყოფილი ტოპ-მენეჯერი, მილიარდერი ალექსანდრე სუბბოტინი, მითიშჩიში, შამანებთან ნაბახუსევის საწინააღმდეგო სესიის შემდეგ გარდაიცვალა.
დიმიტრი ზელენოვი, მდიდარი რუსი ბიზნესმენი და მოსკოვის ერთ-ერთი უდიდესი უძრავი ქონების დეველოპერის, „დონ-სტროის“ თანადამფუძნებელი, ფრანგულ რივიერაზე, საკურორტო ქალაქ ანტიბში, საკუთარი სახლის კიბეებიდან გადმოვარდნის შედეგად გარდაიცვალა.