კანადაში, დილდოს სანაპიროსთან, ფალოსის ფორმის საოცარი აისბერგი შენიშნეს. ფოტოგრაფი კენ პრიტი თვალწარმტაცი კონსეფშენ ბეიში გაემგზავრა და შემთხვევით აღმოაჩინა ეს უჩვეულო ყინულის წარმონაქმნი.
აისბერგი წარმოადგენდა გუმბათოვან სვეტს, რომელიც გარშემორტყმული იყო ორი ოვალური ყინულის ნამსხვრევებით. პრიტმა დრონით რამდენიმე ფოტო გადაიღო მეზობელ ქალაქ ჰარბორ გრეისთან ახლოს. ადგილობრივებმა მას მეტსახელად „დიკბერგი“ შეარქვეს.
სამწუხაროდ, უჩვეულო აისბერგი ხანმოკლე აღმოჩნდა და „ფოტოსესიის“ მეორე დღესვე ჩამოინგრა. ამჟამად ნიუფაუნდლენდსა და ლაბრადორში აისბერგების სეზონი მიმდინარეობს. ოფიციალური ინფორმაციით, ამ პროვინციების სანაპიროებთან 200-ზე მეტი აისბერგი ტივტივებს.