როგორც იუწყება , ახალმა კვლევამ დაამტკიცა, რომ პირველი თანამედროვე ადამიანები ჩრდილოეთ ამერიკაში რამდენიმე ათასი წლით ადრე გამოჩნდნენ, ვიდრე აქამდე ეგონათ.
მეცნიერებმა რადიონახშირბადული დათარიღების მეთოდით დაადასტურეს 2021 წელს ნიუ-მექსიკოს შტატის უაით სენდსის ეროვნულ პარკში ნაპოვნი ნაკვალევის ასაკი. ისინი დაახლოებით 20 700–22 400 წლის წინანდელია.
ეს მონაცემები ემთხვევა მახლობლად ნაპოვნი უძველესი მტვრისა და თესლის ასაკს, რომლებიც 21 000-დან 23 000 წლამდე ითვლის. ადრე ითვლებოდა, რომ პირველი Homo sapiens ჩრდილოეთ ამერიკაში მხოლოდ 16 000 წლის წინ ჩავიდა, ციმბირსა და ალასკას შორის სახმელეთო ხიდის გადაკვეთით.
აღმოჩენა განსაკუთრებით მნიშვნელოვანია, რადგან ადამიანები აქ ბოლო გამყინვარების პერიოდში ცხოვრობდნენ. კლიმატი დღევანდელთან შედარებით უფრო ცივი და ნოტიო იყო, ხოლო ხმელეთზე ჭაობები და ტბები დომინირებდა.
ამ გარემომ მდიდარი ფლორა და ფაუნა შექმნა: სწორედ ამ პერიოდში დასახლდნენ ამ ტერიტორიაზე მამონტები და სხვა ცხოველები, რომლებზეც პირველი მოსახლეები ნადირობდნენ. ეს აღმოჩენა ცვლის ჩვენს წარმოდგენას იმის შესახებ, თუ როდის და როგორ დაიწყო კაცობრიობის ისტორია ამერიკაში.