საერთაშორისო ოლიმპიური კომიტეტის (IOC) პრესსამსახურმა განაცხადა, რომ რუსმა ოლიმპიურმა ჩემპიონმა ჭოკით ხტომაში, ელენა ისინბაევამ, რომელიც კომიტეტის დიდი ხნის წევრია, შესაძლოა, IOC-ის სხვადასხვა ღონისძიებაში მონაწილეობა გააგრძელოს.
ისინბაევას საქმეზე გამოძიება საერთაშორისო ოლიმპიური კომიტეტის ეთიკის კომისიამ ჩაატარა. გამოძიების შედეგად, საერთაშორისო ოლიმპიურმა კომიტეტმა დაასკვნა, რომ ისინბაევას არანაირი კონტაქტი არ ჰქონია რუსეთის უსაფრთხოების ძალებთან და არ უჭერდა მხარს რუსეთის ჩართვას უკრაინაში კონფლიქტში.
ისინბაევამ, რომელიც 2012 წლის საპრეზიდენტო არჩევნების დროს ვლადიმერ პუტინის სანდო რწმუნებული იყო, ცოტა ხნის წინ სოციალურ მედიაში განაცხადა, რომ 2023 წლის სექტემბერში დაბრუნდება საერთაშორისო ოლიმპიურ კომიტეტში სამსახურში ოლიმპიური მოძრაობის განვითარების მიზნით, რადგან მისი სახელი სანქციების სიაში არ არის, იუწყება MK.
„მე მსოფლიოს ადამიანი ვარ! ვცხოვრობ იქ, სადაც ვმუშაობ, ვჭამ იმას, რაც მიყვარს და ვურთიერთობ მათთან, ვისაც ვაფასებ და პატივს ვცემ“, - განაცხადა ისინბაევამ.
სპორტსმენმა ასევე დაწერა, რომ 2018 წლამდე ის ცსკა-ს კლუბში თამაშობდა და სამხედრო წოდებები მიენიჭა, თუმცა ეს ნომინალურია, რადგან ის არასდროს მსახურობდა რუსეთის შეიარაღებულ ძალებში.