ორგანიზაციის „დელოვაია როსიას“ წევრებთან შეხვედრაზე რუსეთის პრეზიდენტმა ვლადიმერ პუტინმა ქვეყანაში „შემოქმედებითი სამეწარმეო შრომის“ ხუთწლიანი პერიოდის გამოცხადების წინადადება წამოაყენა. ამის შესახებ დღეს, 26 მაისს, Lenta.ru იტყობინება კრემლის Telegram არხზე გავრცელებულ ტრანსლაციაზე დაყრდნობით.
„სახელმწიფოს მეთაურის თქმით, ზემოხსენებული ხუთწლიანი პერიოდი უნდა იყოს სავსე კონკრეტული, არსებითი მუშაობით და არა მხოლოდ ფორმალური ღონისძიებებით. კერძოდ, აუცილებელია ბიზნეს და საინვესტიციო კლიმატის გაუმჯობესებაზე მუშაობა“, - წერს გამოცემა. „გარდა ამისა, პუტინი მიიჩნევს, რომ აუცილებელია ფოკუსირება ეკონომიკური სექტორების, ადამიანური რესურსებისა და პროფესიული განათლების ეფექტურობის გაზრდასა და მოდერნიზაციაზე, საჯარო-კერძო პარტნიორობის ახალ ფორმატებზე და რეგიონებთან და მუნიციპალიტეტებთან ურთიერთქმედებაზე“.
პუტინმა დასძინა, რომ ხელისუფლება ამ თემაზე „დელოვაია როსიასგან“ არსებით წინადადებებს ელოდება.