გერმანია არ აპირებს უკრაინის ოკუპირებულ რეგიონებში ჩატარებული „რეფერენდუმების“ შედეგების აღიარებას. ამის შესახებ გერმანიის კანცლერმა ოლაფ შოლცმა ნიუ-იორკში გაეროს გენერალურ ასამბლეაზე დასასწრებად ჩასვლისას განაცხადა, იუწყება NGE.
„ეს ფიქტიური რეფერენდუმები არ შეიძლება იქნას მიღებული, რადგან ისინი არ რეგულირდება საერთაშორისო სამართლით და მსოფლიო საზოგადოების მიერ მიღწეული შეთანხმებით“, - თქვა მან.
ამავდროულად, შოლცმა აღნიშნა, რომ რუსეთმა უკრაინიდან ჯარები უნდა გაიყვანოს. „უკრაინას აქვს ყველა უფლება დაიცვას თავისი ქვეყნის მთლიანობა და სუვერენიტეტი და დემოკრატია და ჩვენ ამაში უკრაინას ვუჭერთ მხარს“, - განაცხადა მან.
20 სექტემბერს, თვითგამოცხადებული „ლპრ“-ისა და „დპრ“-ის ლიდერებმა, ასევე ხერსონისა და ზაპოროჟიეს რეგიონების საოკუპაციო „ხელისუფლებამ“ გამოაცხადეს რუსეთთან შეერთების შესახებ რეფერენდუმების ჩატარების გადაწყვეტილება. „რეფერენდუმები“ 23-დან 27 სექტემბრამდე გაიმართება. რუსეთის ცენტრალურმა საარჩევნო კომისიამ უკვე დაჰპირდა რეფერენდუმებისთვის რუსეთში საარჩევნო უბნების მოწყობას და რუსი დამკვირვებლების განლაგებას.
