Samsung-ი გეგმავს აპლიკაციის გამოშვებას, რომელიც მომხმარებლებს სახლის პირობებში მისი გაჯეტების შეკეთებაში დაეხმარება.
ამის შესახებ პორტალი Verge წერს.
ჟურნალისტებმა ამის შესახებ კომპანიის აშშ-ში პატენტისა და სავაჭრო ნიშნის განაცხადიდან შეიტყვეს. დოკუმენტში მითითებულია, რომ სერვისს თვითშეკეთების ასისტენტი დაერქმევა. კომპანია მას აღწერს, როგორც „მობილური ტელეფონის აპლიკაციის პროგრამულ უზრუნველყოფას“, რომელიც განკუთვნილია სმარტფონების, ჭკვიანი საათების, პლანშეტებისა და ყურსასმენების თვითმომსახურების შეკეთებისა და მოვლა-პატრონობისთვის.
აღწერილობის გარდა, ჟურნალისტებმა აპლიკაციის ლოგოს შესახებაც შეიტყვეს — ლურჯი კვადრატის, შიგნით კი მექანიზმი და გასაღები.
The Verge-ის ვარაუდით, აპლიკაცია შეიცავს Samsung Galaxy მოწყობილობების შეკეთების ინსტრუქციებს.
თვითშეკეთების ასისტენტის შემუშავება, სავარაუდოდ, Samsung-სა და IFIXIT-ს შორის თანამშრომლობის შედეგია, რომელიც 2022 წლის დასაწყისში გამოცხადდა.
