RedGamingTech-ის წყარომ კომენტარი გააკეთა Xbox-ის ახალი თაობის სიტუაციაზე და დაადასტურა, რომ „Xbox Next“-ის გამოშვების გრაფიკი მნიშვნელოვნად შეიცვალა 2023 წლის დასაწყისის გაჟონილ დოკუმენტებთან შედარებით.
ვრცელდება ხმები, რომ Microsoft-მა გეგმა შეცვალა და დისკის გარეშე Xbox Series X-ის გამოშვებაზე უარი თქვა, რათა შემდეგი კონსოლის შემუშავებაზე ფოკუსირება მოეხდინა, რომლის ბაზარზე გამოსვლაც 2026 წელს იგეგმება.
Xbox Next-ი აღჭურვილი იქნება AMD-ის Zen 5 პროცესორით და არა Zen 6-ით, როგორც ეს წინა დოკუმენტებში იყო მითითებული, დროის პრობლემების გამო, რადგან AMD Microsoft-ისთვის საჭირო ტექნოლოგიის მიწოდებისთვის მზად არ იქნება 2026 წლამდე.
შედეგად, Xbox Next PlayStation 6-ზე გაცილებით ადრე გამოვა, თუმცა კონსოლი შესაძლოა უფრო იაფი და სუსტი იყოს, ვიდრე Sony-ს ახალი თაობა. იაპონურ კომპანიას შეეძლება მოწყობილობის დახვეწა, რომელიც გაცილებით გვიან გამოვა და შესაბამისად, PS6-ს უფრო თანამედროვე კომპონენტები ექნება.
ვრცელდება ჭორები, რომ Microsoft-ს შესაძლოა ორი კონსოლიც კი ჰქონდეს მზად შემდეგი თაობის გამოშვებისთვის, მაგრამ უფრო სუსტი და იაფი მოდელი გამოიყენებს ღრუბელს და შექმნილი იქნება Xbox Game Pass-ის თამაშებისთვის.
