Sony-ს ბოლო განცხადებამ გამოავლინა მომავალი PlayStation 5 კონსოლის და მისი თამაშების დიზაინი. თუმცა, ყველაზე მნიშვნელოვანი ფაქტორი - ფასი - ჯერ კიდევ უცნობია. Xbox-ის ყოფილმა მარკეტინგის დირექტორმა ალბერტ პენელომ PS5-ის ფასთან დაკავშირებით საკუთარი მოსაზრება გააზიარა.
პენელო Microsoft-ის Xbox-ის, Xbox 360-ისა და Xbox One-ის სათამაშო კონსოლების მარკეტინგს ხელმძღვანელობდა, ამიტომ მას კონსოლების ფასების შესახებ კარგი წარმოდგენა ნამდვილად აქვს. Twitter-ზე Xbox-ის ყოფილმა აღმასრულებელმა განაცხადა, რომ Sony-ს მეხუთე თაობის სათამაშო კონსოლის ფასი 499 დოლარს არ გადააჭარბებს. ეს ინფორმაცია ასევე ემთხვევა სხვა ინდუსტრიის ანალიტიკოსების პროგნოზებს, რომლებიც აცხადებენ, რომ PS5-ის მაქსიმუმ 470 დოლარი ეღირება.
გარდა ამისა, პენელო მიიჩნევს, რომ ფასი შესაძლოა ახალი სათამაშო კონსოლის წარმატების ყველაზე მნიშვნელოვანი მაჩვენებელი იყოს. PlayStation 4 თავდაპირველად 399 დოლარი ღირდა, რამაც, სავარაუდოდ, გავლენა მოახდინა მის წარმატებაზე. PS3-ის საწყისი ფასი 599 დოლარი იყო, რამაც უარყოფითად იმოქმედა მის საწყის გაყიდვებზე. ამიტომ, PlayStation 5-ით, Sony შეეცდება იპოვოს შუალედური ვარიანტი.
PlayStation 5, ისევე როგორც Xbox Series X, ოფიციალურად დებიუტს წელს საშობაო არდადეგებზე გამართავს. Xbox-ის ყოფილი ხელმძღვანელის თქმით, შეგვიძლია დარწმუნებით ვივარაუდოთ, რომ Microsoft-ის სათამაშო კონსოლის ფასი 500 დოლარს არ გადააჭარბებს.
