გამოთვლითი მანქანების ასოციაციის ჟურნალში გამოქვეყნებული ბოლოდროინდელი კვლევა ვარაუდობს, რომ კვანტური კომპიუტერები შესაძლოა ნაკლებად ეფექტური იყოს რიგი პრობლემების გადაჭრისას, ვიდრე ჩვეულებრივი გრაფიკული დამუშავების ერთეულები (GPU).
მეცნიერებმა დაასკვნეს, რომ ბევრი აპლიკაცია უკეთესად იმუშავებს NVIDIA A100-ზე დაფუძნებულ კლასიკურ კომპიუტერებზე, მაშინაც კი, როდესაც კვანტური სისტემები მილიონობით ფიზიკურ კუბიტს მიიღებენ.
კვლევის თანახმად, მთავარი პრობლემა თავად ამოცანა კი არა, კვანტური კომპიუტერების არქიტექტურა და ზოგიერთი პრობლემის გადასაჭრელად საჭირო უზარმაზარი რაოდენობის მონაცემების დამუშავების უუნარობაა.
ეს ასევე გამოწვეულია მონაცემთა შეყვანის/გამოყვანის პრობლემით, მსგავსი იმისა, რასაც ჩვეულებრივი კომპიუტერები აწყდებოდნენ სწრაფი SSD-ების გამოგონებამდე.
ეს ნიშნავს, რომ ისეთი ამოცანები, როგორიცაა წამლების დიზაინი ან ამინდისა და კლიმატის პროგნოზირება, უკეთ გადაწყდება კლასიკურ სისტემებზე, მაშინ როდესაც ქიმია და მასალათმცოდნეობა კვანტურ კომპიუტერებს შეეფერება.
