HMD Global Nokia-ს ლეგენდარული ტელეფონის ახალ ვერსიას გამოუშვებს, იტყობინება Mobiltelefon საკუთარ წყაროებზე დაყრდნობით.
დაგეგმილი მოწყობილობა იქნება Nokia 3650-ის განახლებული ვერსია, რომელიც 2003 წელს გამოვიდა. მოწყობილობა კომპანიის ერთ-ერთი დიზაინერული მოდელია, რაც იმას ნიშნავს, რომ მას არატიპიური დიზაინი აქვს. გაჯეტს აქვს ფერადი ეკრანი, რომლის ქვეშაც წრეში მოთავსებული ფიზიკური კლავიატურაა განთავსებული.
ჟურნალისტებმა არ იციან, შეინარჩუნებს თუ არა კომპანია თავდაპირველ განლაგებას ან რა მახასიათებლები ექნება აღდგენილ მოწყობილობას. წყაროების ცნობით, მოწყობილობის გამოცხადება მომდევნო კვირებშია მოსალოდნელი. მისი ფასი არ გახმაურებულა.
Nokia 3650 ბაზარზე 2003 წლის თებერვალში გამოვიდა. ტელეფონს ჰქონდა 176x208 პიქსელის ეკრანი, 0.3 მეგაპიქსელიანი მთავარი კამერა ვიდეოს ჩაწერის შესაძლებლობით, ოთხი მეგაბაიტი ჩაშენებული მეხსიერება, ინფრაწითელი პორტი და Bluetooth.
კომპანიამ ადრეც გამოუშვა კლასიკური Nokia ტელეფონების განახლებული ვერსიები. 2020 წლის ნოემბერში გამოცხადდა, რომ HMD Global აპირებდა Nokia 8000 4G სმარტფონის გამოშვებას, რომელიც არსებითად იქნებოდა Nokia 8800-ის, 2000-იანი წლების პოპულარული ტელეფონის, განახლებული ვერსია.
