Nintendo-მ გადაწყვიტა რუსეთის ბაზრის დატოვება და ქვეყანაში ოპერაციების შეწყვეტა. ამის შესახებ ბრენდის ვებსაიტზე გამოქვეყნდა.
2022 წლის დასაწყისში Nintendo-მ შეაჩერა რუსეთში გადაზიდვები და კომპანიის ონლაინ მაღაზიამ შეწყვიტა რუბლით გადახდების მიღება. ახლა Nintendo-ს ელექტრონული მაღაზია „შეზღუდული რეჟიმში“ იმუშავებს.
„უახლოეს მომავალში, 2023 წლის 31 მაისიდან, Nintendo-ს ანგარიშის მქონე რუს მომხმარებლებს შეეძლებათ ადრე შეძენილი ციფრული კონტენტის ხელახლა ჩამოტვირთვა. აღარ იქნება შესაძლებელი ახალი Nintendo-ს ანგარიშების შექმნა, სადაც მათი საცხოვრებელი ქვეყანა რუსეთი იქნება“, - ნათქვამია განცხადებაში.
კომპანიამ პირობა დადო, რომ წაშლიდა ანგარიშებთან დაკავშირებულ გადახდის ინფორმაციას. Nintendo-მ აღნიშნა, რომ ეს „უსაფრთხოების მიზნით“ გაკეთდა.
მაისის დასაწყისში გავრცელდა ინფორმაცია, რომ Nintendo რუსეთში მინიმალურ ყოფნას შეინარჩუნებდა. კომპანია ამ რეჟიმში მუშაობას სულ მცირე 2025 წლის ბოლომდე გეგმავს. ქვეყანაში გარანტიისა და შეკეთების სერვისებიც ხელმისაწვდომი დარჩება.
