Nintendo-მ ცოტა ხნის წინ გამოაქვეყნა ჰიბრიდული კონსოლის Switch-ისა და თამაშების გაყიდვების შესახებ ინფორმაცია, სადაც აპარატურის მაჩვენებლები კომპანიის მოლოდინს ჩამორჩა.
31 მარტით დასრულებული ფისკალური წლის განმავლობაში Switch-ის გაყიდვების ჯამურმა რაოდენობამ 18 მილიონ ერთეულზე ოდნავ ნაკლები შეადგინა, კომპანიის საწყისი მიზნის - 21 მილიონის - წინააღმდეგ. მიმდინარე ფისკალურ წელს, რომელიც 2024 წლის 31 მარტს მთავრდება, Nintendo-ს 15 მილიონი Switch-ის გაყიდვა აქვს დაგეგმილი. თუმცა, კომპანია ბოლომდე დარწმუნებული არ არის, რომ ამ მაჩვენებლების მიღწევას შეძლებს.
გარდა ამისა, Nintendo-ს პრეზიდენტმა შუნტარო ფურუკავამ განაცხადა, რომ კომპანია ახალი კონსოლის ან გაუმჯობესებული Switch-ის გამოშვებას 2024 წლის მარტის ბოლომდე არ გეგმავს.
