Microsoft-მა გამოაქვეყნა სისტემური მოთხოვნები თავისი ფრენის სიმულატორის ახალი ვერსიისთვის, Microsoft Flight Simulator 2024.
ის მონაცემებით , 2020 წლის ვერსიასთან შედარებით, თამაშს ნაკლები დისკის სივრცე სჭირდება — მხოლოდ 50 GB — თუმცა მისი ოპერატიული მეხსიერება და ინტერნეტის სიჩქარე მნიშვნელოვნად გაიზარდა. კომფორტული თამაშისთვის ახლა 32 GB ოპერატიული მეხსიერებაა საჭირო, ხოლო მაქსიმალური ხარისხისთვის — 64 GB, რაც მნიშვნელოვნად აღემატება თანამედროვე თამაშების უმეტესობის სტანდარტებს.
Asobo Studio-ს აღმასრულებელმა დირექტორმა, სებასტიან ვლოხმა განმარტა, რომ მოთხოვნების ცვლილება მონაცემთა შენახვის ახალი ტექნოლოგიით არის განპირობებული. ღია სამყაროს მონაცემთა მოცულობამ 2 ტბ-ს მიაღწია, ხოლო თამაშის ღრუბლოვანი მონაცემების ჯამური რაოდენობა 2 პბ-ს აჭარბებს. Microsoft-მა მომხმარებლის მოწყობილობებზე დინამიური ქეში დანერგა, რომელიც მხოლოდ მოთამაშის მიერ ნახული მონაცემების ჩამოტვირთვის საშუალებას იძლევა, დანარჩენი კი ინტერნეტით გადაიცემა. ამ მიდგომის შემთხვევაში, კავშირის სიჩქარე მინიმუმ 50 მბიტ/წმ-ია, თუმცა ოპტიმალური მუშაობისთვის რეკომენდებულია 100 მბიტ/წმ.
თამაში გამოვა 19 ნოემბერს კომპიუტერისა და Xbox Series S|X-ისთვის. საუკეთესო გრაფიკული გამოცდილებისთვის რეკომენდებულია Radeon RX 7900 XT ან GeForce RTX 4080 ვიდეო ბარათი, თუმცა მინიმალური მოთხოვნებია Radeon RX 5700 XT ან GeForce RTX 2080.
