ადრეული მომხმარებლებისთვის, შეძენიდან ორი წლის განმავლობაში, ეკრანის შეცვლაზე 70%-იანი ფასდაკლების მიღებაა შესაძლებელი.
LG-მ განაცხადა, რომ მისი უნიკალური მბრუნავი სმარტფონი, LG Wing, სამხრეთ კორეის მაღაზიების თაროებზე ოქტომბერში გამოჩნდება, ხოლო გლობალური გამოშვება ნოემბერში იგეგმება. სამხრეთ კორეაში სმარტფონის ფასი დაახლოებით 800 ევრო იქნება, ხოლო ევროპაში - 1100 ევრო.
ოფიციალურ განცხადებაში ასევე ნათქვამია, რომ ადრეული მომხმარებლებისთვის ეკრანის შეცვლაზე 70%-იანი ფასდაკლება შეძენიდან ორი წლის განმავლობაში, ოქტომბრის თვეში იქნება შესაძლებელი.
LG Wing, რომელიც ხელმისაწვდომია Sport Aurora Gray და Illusion Sky ფერებში, აღჭურვილია 6.8 დიუმიანი მბრუნავი P-OLED დისპლეით 2460 x 1080 პიქსელის გარჩევადობით. დამატებითი დისპლეის დიაგონალი 3.9 დიუმიანია და მისი გარჩევადობა 1240 x 1080 პიქსელია.
სმარტფონი აღჭურვილია Qualcomm Snapdragon 765G 5G SoC პროცესორით, რომელსაც 8 GB ოპერატიული მეხსიერება და 128 GB ან 256 GB ფლეშ მეხსიერება აქვს. მთავარ კამერას 64 MP, 12 MP და 13 MP გამოსახულების სენსორები აქვს. წინა კამერას 32 MP გარჩევადობა აქვს.
ბატარეის სიმძლავრეა 4000 mAh, სმარტფონი მხარს უჭერს 25 ვატიან სადენიან და 10 ვატიან უსადენო დატენვას.
