ბრიტანული სტუდია Mediatonic-ის Fall Guys: Ultimate Knockout ოფიციალურად გახდა PlayStation Plus-ის ყველაზე ჩამოტვირთული თამაში სერვისის ისტორიაში. უჩვეულო Battle Royale თამაში 4 აგვისტოს გამოვიდა და რეკორდის დამყარებას 22 დღე დასჭირდა.
დეველოპერებმა PlayStation 4 თამაშისთვის არატიპიური განაწილების მოდელი აირჩიეს: Fall Guys PS Plus-ის აბონენტებისთვის უფასო გახდა გამოსვლის დღესვე. Sony-ს სათამაშო განყოფილების ოფიციალურმა ანგარიშმა Battle Royale თამაშის შემქმნელებს ეს მიღწევა მიულოცა. PlayStation-ის წარმომადგენლებმა ჩამოტვირთვების ზუსტი რაოდენობა არ გაამჟღავნეს.
გამოსვლიდან მალევე, Fall Guys Twitch-ზე ერთ-ერთ ყველაზე პოპულარულ თამაშად იქცა. გამოქვეყნების მომენტისთვის, კონკურენტუნარიანი არკადული თამაშის სტრიმინგებს უფრო მეტი მაყურებელი ჰყავს, ვიდრე CS:GO-ს ტრანსლაციები, რომლებიც მასპინძლობენ ESL One Cologne 2020-ის მთავარ ტურნირს.
