მას შემდეგ, რაც გავრცელდა ინფორმაცია, რომ DDT-ის ფრონტმენი იური შევჩუკი გულის შეტევის გამო კონცერტებს გადადებდა, ჯგუფმა ამის შესახებ სოციალურ ქსელში დაწერა.
„DDT ჯგუფი იძულებულია გამოაცხადოს, რომ იური შევჩუკს მიმდინარე წლის სექტემბერში მიოკარდიუმის ინფარქტი გადაედო.
იური იულიანოვიჩი ამჟამად ჯანმრთელობის სრულად აღსადგენად სავალდებულო რეაბილიტაციის კურსს გადის, რომელიც 2023 წლის დეკემბრის შუა რიცხვებამდე გაგრძელდება. იური თავს კარგად გრძნობს.
ამასთან დაკავშირებით, ჯგუფ „DDT“-ის ადრე დაგეგმილი კონცერტები ახალ თარიღებამდე გადაიდო:
- თელ-ავივი – 2024 წლის 6 იანვარი, „მენორა მივტაჩიმ არენა“;
- ბელგრადი – 2024 წლის 10 იანვარი, MTS Dvorana;
- ლიმასოლი - 2024 წლის 11 მაისი, Zante Venue.
- დუბაის კონცერტი 2024 წლის 3 იანვარს, კოკა-კოლა არენაზე გაიმართება.
„ყველა ადრე შეძენილი ბილეთი ძალაშია ახალი თარიღებისთვის და არ საჭიროებს გაცვლას. გულშემატკივრებს, რომლებსაც ამ თარიღებში კონცერტებზე დასწრება არ შეუძლიათ, შეუძლიათ ბილეთების დაბრუნება ნებისმიერ დროს ოფიციალურ სალაროში“, - ნათქვამია ჯგუფის განცხადებაში.
