ნიუ-იორკის მოდის კვირეულმა სეზონის ყველაზე უჩვეულო კოლაბორაცია წარმოადგინა: ფეხსაცმელი, რომელიც Crocs-მა რესტორნების ქსელ KFC-სთან თანამშრომლობით შექმნა. Saltmag.ru-ს ცნობით, წყვილი არა მხოლოდ შემწვარი ქათმის დეკორაციებს შეიცავს, არამედ მისი სურნელიც აქვს.
თანამშრომლობისთვის, კომპანიებმა ხელახლა წარმოადგინეს თავიანთი ყველაზე ცნობადი მოდელი, Classic Clog. ფეხსაცმელს აქვს ნათელი ძირი და ზედა ნაწილი დაფარულია KFC-ის ფირმული შემწვარი ქათმის ნიმუშით. საკვების ფორმის დეკორაციებიც მოსახსნელია.
მიუხედავად იმისა, რომ ფეხსაცმელს KFC-ის ცნობილი ქათმის სუნი ასდის, დეტალები უჭმელოა. ფეხსაცმელი ხელმისაწვდომია როგორც მაღალძირიან, ასევე კლასიკურ სტილში.
შეზღუდული გამოშვების კოლექცია გაყიდვაში 2020 წლის გაზაფხულზე გამოვა. ფეხსაცმლის საცალო ფასი 60 დოლარი იქნება. წყვილი უკვე გამოჩნდა ჟურნალ Paper-ის ციფრულ გარეკანზე.
