ამერიკულმა რობოტების მწარმოებელმა კომპანია Boston Dynamisc-მა გამოაცხადა თავისი რობოტი ძაღლის, Spot-ის, გაყიდვების შესახებ კანადაში, დიდ ბრიტანეთსა და ევროკავშირში. კომპანიამ ადრე წარმატებით დაიწყო გაყიდვები აშშ-ში.
Boston Dynamics აღნიშნავს, რომ Spot რობოტი თავისი ტიპის ყველაზე მოწინავეა, რომელსაც შეუძლია გადაადგილება პრაქტიკულად ყველგან, სადაც ადამიანს შეუძლია. კომპანია მის გამოყენებას, სხვა საკითხებთან ერთად, მონიტორინგისა და 3D რუკების შესაქმნელად მონაცემების შეგროვებისთვის გვთავაზობს. რობოტის ზუსტი ფასი ახალ ბაზრებზე არ გახმაურებულა, მაგრამ აშშ-ში Spot-ის საბაზისო ვერსია 74,500 აშშ დოლარი ღირს.
პანდემიის დროს, Spot-ს სამედიცინო პროფესიონალები ექიმებსა და პაციენტებს შორის დისტანციური კომუნიკაციისთვის იყენებდნენ.
კომპანიის ცნობით, 2020 წლის ივნისში, Boston Dynamics-მა დაიწყო Spot-ის შეთავაზება აშშ-ში მომხმარებლებისთვის და დაიწყო ევროპაში პოტენციური კლიენტებისგან შეკითხვების მიღება. მაგალითად, საერთაშორისო კომპანია Foster+Partners-მა გამოიყენა Spot ლონდონის ელექტროსადგურის მშენებლობის 24 საათის განმავლობაში მონიტორინგისთვის.
