„ბლუმბერგის“ მიერ „Vortexa“-ს 1-დან 20 აგვისტომდე პერიოდის მონაცემების ანალიზის თანახმად, რუსული ნავთობპროდუქტების ექსპორტი ბოლო 15 თვის განმავლობაში ყველაზე დაბალ ნიშნულს მიაღწია, საავტომობილო საწვავზე მაღალი შიდა მოთხოვნის ფონზე.
Vortex-ის მონაცემების თანახმად, რუსეთმა აგვისტოს პირველი 20 დღის განმავლობაში ნავთობპროდუქტების მიწოდება 14%-ით შეამცირა. ნავთობპროდუქტების დღიურმა ექსპორტმა 2.24 მილიონი ბარელი შეადგინა. Bloomberg-ის ცნობით, ეს 2022 წლის მაისის შემდეგ ყველაზე დაბალი მაჩვენებელია.
დიზელის საწვავის და გაზოილის მიწოდება, რომელიც რუსული ნავთობის ექსპორტის დაახლოებით 45%-ს შეადგენს, დღეში 1 მილიონ ბარელზე ოდნავ ნაკლებით შემცირდა. ბენზინისა და შერევის კომპონენტების მიწოდება 43%-ით შემცირდა და დღეში 66 000 ბარელს მიაღწია.
ნავთობის ექსპორტი დღეში 371 000 ბარელამდე (-22%) შემცირდა. Bloomberg-ი აღნიშნავს, რომ აზიის და ახლო აღმოსავლეთის ქვეყნები რუსულ ნავთობს ნაკლებად ყიდულობენ. რუსული მაზუთის მიწოდება, რომელიც ექსპორტის თითქმის მესამედს შეადგენს, დღეში 624 000 ბარელამდე შემცირდა. ეს ასევე ყველაზე დაბალი დონეა 2022 წლის მარტიდან.
„კომერსანტის“ ცნობით, რუსეთმა აგვისტოში შეასრულა საზღვაო ნავთობის ექსპორტის შემცირების გამოცხადებული მაჩვენებელი, რომელიც ამჟამად დღეში 2.94 მილიონ ბარელს შეადგენს. ექსპორტი ამ დონეს მხოლოდ გასული წლის დეკემბერში ჩამორჩა, როდესაც ევროკავშირმა და დიდმა შვიდეულმა რუსულ ნავთობზე ფასების ლიმიტი დააწესეს.
