სახელმწიფო დუმის დეპუტატმა ვიტალი მილონოვმა შესთავაზა Lada-ს სახელის „ჟიგული“ დაბრუნებით შეცვლა. მან განაცხადა, რომ რუსმა ავტომწარმოებლებმა უნდა შეწყვიტონ ლათინური ასოების გამოყენება მანქანების სახელწოდებებში.
რუსი მარკეტოლოგები შეცდომით ვარაუდობენ, რომ ლათინურად დასახელებული ბრენდები მომხმარებლებისთვის უფრო მიმზიდველია და რომ რუსეთის ბაზარზე მანქანების გასაყიდად რუსული სახელწოდებები უნდა შეირჩეს, წერს gazeta.ru.
მილონოვის აზრით, ლათინური ენის გამოყენება სახელწოდებებში სხვა არაფერია, თუ არა დასავლეთის მიერ თავსმოხვეული შაბლონი.
„მყავს Lada Vesta, ერთ-ერთი პირველი, რაც ვიყიდე. მე და ჩემი მეგობრები მას „ჟიგულის“ ვეძახით. უცხოელებს ამ სახელის წარმოთქმა უხერხულად მიაჩნდათ, ამიტომ „ჟიგული“ საზღვარგარეთ უფრო მოსახერხებელი სახელით „ლადა“ იყიდებოდა. მაგრამ ჩვენი სახელი „ჟიგული“ იყო. რატომ შეწყვიტეს მისი გამოყენება? ჩვენ უნდა დავაბრუნოთ!“ - მოუწოდა დეპუტატმა.
მილონოვმა ასევე მადლობა გადაუხადა მოსკოვის მერ სერგეი სობიანინს „მოსკვიჩის“ ბრენდის დაბრუნებისთვის და აღნიშნა, რომ „ავტოვაზმა“ „ჟიგულის“ მოდელის დასახელება უნდა აღადგინოს.
