Apple-მა iPhone 16-ის ახალი ხაზი It's Glowtime ღონისძიებაზე წარადგინა, რომელიც კომპანიის YouTube არხზეა ხელმისაწვდომი.
ახალი iPhone ხელმისაწვდომია ხუთ ფერში და აღჭურვილია A18 ჩიპით, რომელიც წინა მოდელებთან შედარებით 30%-ით უფრო სწრაფ მუშაობას უზრუნველყოფს. გაუმჯობესებული 48 მეგაპიქსელიანი კამერა და ახალი „კამერის მართვის“ ღილაკი მომხმარებლებს საშუალებას აძლევს გადაიღონ მაკრო კადრები და შექმნან მაღალი ხარისხის ფოტოები.
ასევე წარმოდგენილი იყო iPhone 16 Pro და Pro Max მოდელები, შესაბამისად, 6.3 და 6.9 დიუმიანი ეკრანებით. ამ მოდელებს აქვთ 5x ზუმიანი კამერები, ხოლო კამერის აპლიკაცია განახლებულია 4K ვიდეოჩანაწერით და სტუდიური ხარისხის აუდიოთი. iPhone 16 Pro-ს ფასი იწყება 1000 დოლარიდან, ხოლო Pro Max-ის - 1200 დოლარიდან.
სმარტფონების გარდა, Apple-მა წარმოადგინა აქტიური ხმაურის ჩახშობის ფუნქციით აღჭურვილი AirPods 4, რომლის გაყიდვაში 20 სექტემბერს გამოვა 179 დოლარად. ახალი AirPods Max 2 აღჭურვილი იქნება Type-C კონექტორით და განახლებული ხმაურის ჩახშობის ფუნქციით და ეღირება 550 დოლარი.
Apple-მა ასევე წარმოადგინა Watch Series 10, რომელსაც ყველაზე დიდი ეკრანი და ყველაზე თხელი კორპუსი აქვს. მას აქვს S10 ჩიპი, ძილის აპნოეს დეტექტორი და 30 წუთში 80%-მდე იტენება.
