გერმანულმა სპორტული ტანსაცმლისა და ფეხსაცმლის მწარმოებელმა კომპანიამ კლასიკური შავ-თეთრი დიზაინის მრავალჯერადი გამოყენების სახის ნიღბები გამოუშვა. აქსესუარები ერთი ზომისაა და დამზადებულია გადამუშავებული, „სუნთქვადი“, პლასტმასისგან თავისუფალი ელასტიური მასალისგან.
სახის დამცავი ნიღბები სამედიცინო დანიშნულების არ არის, თუმცა ისინი ვირუსებისა და მიკრობების გავრცელებას ხელს უშლიან. RBC-ის ცნობით, მასალა ადვილად ირეცხება და შრება და ნიღბების ყოველდღიური გამოყენებაა შესაძლებელი.
დამცავი აქსესუარების სამი შეკვრა 16 დოლარი (1,138 რუბლი) ღირს. თითოეული მრავალჯერადი გამოყენების ნიღბის გაყიდვიდან შემოსული 2 დოლარი საერთაშორისო ორგანიზაცია „გადავარჩინოთ ბავშვები“-ს გადაეცემა.
