სოციოლოგების მონაცემებით, აღმოსავლეთშიც კი, სადაც ინტენსიური ბრძოლები გრძელდება, გამოკითხულთა 68 პროცენტი ტერიტორიული დათმობების წინააღმდეგია
კიევის საერთაშორისო სოციოლოგიის ინსტიტუტის მიერ ჩატარებული გამოკითხვის თანახმად, უკრაინელების მხოლოდ 10 პროცენტია მზად ტერიტორიული დათმობებისთვის ომის რაც შეიძლება სწრაფად დასასრულებლად.
უკრაინელების 82 პროცენტი არ არის მზად რაიმე დათმობაზე წავიდეს, ხოლო გამოკითხულთა 8 პროცენტს ამ კითხვაზე პასუხის გაცემა გაუჭირდა.
სოციოლოგების მონაცემებით, აღმოსავლეთშიც კი, სადაც ინტენსიური ბრძოლები გრძელდება, გამოკითხულთა 68 პროცენტი ტერიტორიული დათმობების წინააღმდეგია. ტერიტორიის შეწირვაზე მხოლოდ 19 პროცენტია მზად.
კვლევა ჩატარდა სატელეფონო გამოკითხვების გამოყენებით. გამოიკითხა ორი ათასი რესპონდენტი. შეცდომის ზღვარი არ აღემატება 2.4 პროცენტს.
