„ერთად ჩვენ რუსეთს პასუხისმგებლობას დავაკისრებთ“, - დარწმუნებულია უკრაინის პრეზიდენტი ვოლოდიმირ ზელენსკი.
საერთაშორისო სასამართლოში უკრაინისა და რუსეთის საქმეში 42 ქვეყანამ უკვე დაუჭირა მხარი უკრაინას.
ამის შესახებ უკრაინის პრეზიდენტმა ვოლოდიმირ ზელენსკიმ Twitter-ის საკუთარ გვერდზე განაცხადა.
„ორმოცდაორმა ქვეყანამ მხარი დაუჭირა უკრაინას რუსეთის ფედერაციის წინააღმდეგ საერთაშორისო სასამართლოში შეტანილ საქმეში და გამოაცხადა, რომ აპირებს ჩვენს სარჩელში მონაწილეობას. მადლობელი ვარ ჩემი პარტნიორების, რომლებმაც ისტორიის სწორი მხარე აირჩიეს. ეს არის სიმართლის, საერთაშორისო სამართლისა და სამართლიანობის მხარე. ერთად ჩვენ პასუხისგებაში მივაგებთ რუსეთის ფედერაციას“, - ნათქვამია განცხადებაში.
მანამდე, უკრაინის იუსტიციის მინისტრმა დენის მალიუსკამ განაცხადა, რომ საერთაშორისო სასამართლოს ფარგლებში შეიქმნება ტრიბუნალი, რომელიც რუსეთის შეიარაღებული აგრესიისთვის პასუხისმგებლობას დააკისრებს, თუმცა ის შესაძლოა ცალკე სტრუქტურაც იყოს. მან განაცხადა, რომ საერთაშორისო ტრიბუნალის შესაქმნელად საჭიროა მრავალ ქვეყანას შორის შეთანხმება, რომელიც საერთაშორისო ხელშეკრულებით იქნება ფორმალიზებული.
„ასეთმა შეთანხმებამ და ასეთმა საერთაშორისო ხელშეკრულებამ საერთაშორისო ორგანიზაციების საერთაშორისო მხარდაჭერა უნდა მიიღოს. გაეროს გენერალური ასამბლეა, რა თქმა უნდა, პირველ რიგში განიხილება“, - განაცხადა მალიუსკამ.
