გაზეთ „კომერსანტის“ წყაროების ცნობით, კანონპროექტი, რომელიც ყველა მობილური მოწყობილობის IMEI ნომრების გამოყენებით ფასიან რეგისტრაციას მოითხოვს, პრეზიდენტის ადმინისტრაციაში საბოლოო დამტკიცებას გადის და შესაძლოა, ძალაში 2021 წლის 1 ივლისიდან შევიდეს.
დოკუმენტი 2019 წლის იანვრიდან განიხილება. იმ დროს შემოთავაზებული იყო ყველა იმ გაჯეტის რეგისტრაცია, რომელიც SIM ბარათს იღებს, თუმცა ახლა გამონაკლისი დაემატა: სახელმწიფო და მუნიციპალური საჭიროებისთვის შეძენილი სმარტფონებისა და სხვა მოწყობილობების რეგისტრაცია სავალდებულო არ არის.
მიუხედავად იმისა, რომ თავდაპირველი გეგმა მოწყობილობის რეგისტრაციის ღირებულების 100 რუბლით კანონით ლიმიტით დაწესებას ითვალისწინებდა, ახლა საფასურს მთავრობა დაადგენს. თუმცა, არსებული აღჭურვილობის უფასოდ რეგისტრაცია შესაძლებელი იქნება.
არარეგისტრირებული ან დუბლიკატი IMEI-ს მქონე გაჯეტები მობილური ოპერატორების მიერ დაიბლოკება.
„კომერსანტის“ ჟურნალისტთან ინტერვიუში Tele2-ის წარმომადგენელმა განაცხადა, რომ ინიციატივა ხელს შეუწყობს რუსეთში სმარტფონების ბაზრის „გაწმენდას“. MTS-იც დადებითად აფასებს კანონპროექტს. ექსპერტები უფრო სკეპტიკურად არიან განწყობილნი.
