20-ზე მეტი რუსეთის მოქალაქე, რომლებიც სამშობლოში გაწვევას გაექცნენ, სამი იახტით სამხრეთ კორეაში გაიქცნენ, იტყობინება BBC სამხრეთ კორეის მედიაზე დაყრდნობით.
გაქცეულები 20-30 წლის მამაკაცები არიან.
მხოლოდ ორს მიეცა შესვლის ნებართვა. დანარჩენებთან დაკავშირებით, საიმიგრაციო სამსახურმა განაცხადა, რომ სამხრეთ კორეაში მათი ვიზიტის მიზანი გაურკვეველი იყო.
რუსეთის მოქალაქეებს სამხრეთ კორეაში შესასვლელად ვიზა არ სჭირდებათ. საზღვრის გადაკვეთამდე მათ მხოლოდ ელექტრონული ნებართვის მიღება სჭირდებათ.
ამჟამად გაურკვეველია, ჰქონდათ თუ არა იახტის მგზავრებს ასეთი ნებართვები და რატომ აუკრძალა სამხრეთ კორეის ხელისუფლებამ მათ ქვეყანაში შესვლა.
სასაზღვრო სამსახურმა „როიტერისთვის“ სიტუაციაზე კომენტარის გაკეთებაზე უარი თქვა.
იახტები რუსეთის შორეული აღმოსავლეთის პორტებიდან ჩამოვიდნენ და, როგორც ჩანს, ჯერ კიდევ სამხრეთ კორეის წყლებში იმყოფებიან.
რუსეთიდან კერძო იახტით გაქცევა საკმაოდ ექსტრავაგანტული გზაა სამხედრო სამსახურში გაწვევის თავიდან ასაცილებლად.
21 სექტემბრიდან, როდესაც რუსეთში მობილიზაცია გამოცხადდა, ასობით ათასი მამაკაცი გავიდა ქვეყნიდან ფინეთის, საქართველოს, ყაზახეთისა და მონღოლეთის საზღვრებზე არსებული საკონტროლო-გამშვები პუნქტების გავლით. ისინი ძირითადად მანქანით, მაგრამ ხშირად ველოსიპედით ან ფეხითაც კი გადაკვეთეს.
