თეატრისა და ტელევიზიის მსახიობის, იულია დრობოტის, თინეიჯერი ვაჟი მოსკოვში გარდაიცვალა. ის მხოლოდ 15 წლის იყო.
REN TV-ის ცნობით, მოზარდის დაჭრილი ცხედარი 21 მაისს, გვიან ღამით იპოვეს. მისი ცხედარი სტალევაროვის ქუჩაზე მდებარე შენობის მახლობლად იწვა, სადაც მისი ბებია მეშვიდე სართულზე ცხოვრობს.
მეცხრე კლასელი სასწრაფო დახმარების მანქანაში გარდაიცვალა. ექიმები ბიჭის სიცოცხლის გადასარჩენად იბრძოდნენ, თუმცა მისი ჭრილობები ძალიან სერიოზული იყო.
გამომძიებლები არკვევენ ინციდენტის ყველა გარემოებას, ტარდება წინასწარი საგამოძიებო შემოწმება.
მოზარდის დედა, მსახიობი იულია დრობოტი, 46 წლისაა. ის მოსკოვის ვერნისაჟის თეატრში მუშაობს. გარდაცვლილი ახალგაზრდის მამა, რომან დრობოტი, სტანისლავსკის თეატრში რეჟისორად მუშაობს.
