ბელგიელი ზარა რუტერფორდი ყველაზე ახალგაზრდა პილოტი გახდა, რომელმაც მსოფლიოს გარშემო მარტო იფრინა. მოგზაურობის დროს ის 19 წლისა და 199 დღის იყო. მისი მიღწევა გინესის რეკორდების წიგნში შევიდა.
ზარას მოგზაურობა ერთძრავიანი Shark UL ულტრამსუბუქი თვითმფრინავით 2021 წლის 18 აგვისტოს დაიწყო. მან 52 ქვეყანა და ხუთი კონტინენტი გაიარა. მან ასევე ორი გაჩერება განახორციელა რუსეთში, მათ შორის მაგადანსა და ვლადივოსტოკში.
მისი თვითმფრინავის საკრუიზო სიჩქარე საათში 300 კილომეტრი იყო. მთელი ფრენის განმავლობაში მას ღამით ფრენა ეკრძალებოდა. გზად, ამინდის პირობების ცვლილების გამო, მას რამდენჯერმე მოუწია შეფერხება საკონტროლო პუნქტებში.
აქამდე, ყველაზე ახალგაზრდა ქალი, რომელმაც მსოფლიოს გარშემო თვითმფრინავით მარტო იფრინა, შაესტა ვაისი იყო. ის მოგზაურობის დროს 30 წლის იყო.
