ესტონეთში მცხოვრებ რუსეთისა და ბელორუსის მოქალაქეებს იარაღის ფლობა აეკრძალებათ. ეს ზომები 1 დეკემბრიდან ამოქმედდება.
როგორც RBC-Ukraine ERR-ზე დაყრდნობით იტყობინება, ამის შესახებ ესტონეთის შინაგან საქმეთა სამინისტროს ხელმძღვანელმა, ლაური ლეანემეცმა განაცხადა.
ესტონეთში იარაღის ფლობის უფლება ჩამოერთმევათ არა მხოლოდ რუსებსა და ბელარუსებს, არამედ ყველა პირს, რომელსაც არ აქვს ესტონეთის მოქალაქეობა, ევროკავშირის სხვა ქვეყნის მოქალაქეობა ან ნატოს წევრი ქვეყნის მოქალაქეობა.
„დღეს ჩვენ დავამტკიცეთ იარაღის შესახებ კანონში ცვლილებები, რომლებიც 1325-ზე მეტ ადამიანსა და 3777 ერთეულ იარაღს შეეხება. ამ ცვლილებების თანახმად, ესტონეთში იარაღის ფლობა მხოლოდ ესტონეთის მოქალაქეებს, ევროკავშირის რამდენიმე ქვეყნის და ნატოს ზოგიერთი ქვეყნის მოქალაქეებს შეეძლებათ“, - განაცხადა მინისტრმა.
მისი თქმით, იმ ადამიანებს, რომლებსაც იარაღის ფლობა არ შეუძლიათ, ერთი წელი ექნებათ მისი ნებაყოფლობით ჩაბარებისთვის. თუ ისინი ამას ნებაყოფლობით არ გააკეთებენ, საკითხს პოლიცია მოაგვარებს.
„გამონაკლისი შემოთავაზებულია მათთვის, ვისაც, მიუხედავად იმისა, რომ ისინი მოქალაქეები არ არიან, აქვთ იარაღის ტარების ნებართვა და ამ ნებართვის ვადის გასვლის დროისთვის მათაც უნდა გაანადგურონ იარაღი. ზოგიერთისთვის ეს ნებართვა 2023 წელს იწურება, ზოგისთვის კი 2024 წელს, რაც იმას ნიშნავს, რომ ეს მომდევნო სამიდან ოთხ წლამდე მოხდება“, - დასძინა ლეანემეტსმა.
