რუსეთმა ბელარუსის შეიარაღებულ ძალებს გადასცა ოპერატიულ-ტაქტიკური სარაკეტო სისტემა „ისკანდერ-M“, რომელსაც შეუძლია ბირთვული რაკეტების გადატანა.
ამის შესახებ რუსეთის თავდაცვის მინისტრმა სერგეი შოიგუმ განაცხადა, იტყობინება „რია ნოვოსტი“.
ბელარუსის ეკიპაჟების წვრთნა 3 აპრილს რუსეთის ერთ-ერთ საწვრთნელ პოლიგონზე დაიწყო.
„ბელორუსის შეიარაღებულ ძალებს ოპერატიულ-ტაქტიკური სარაკეტო სისტემა „ისკანდერ-M“ გადაეცა. მას შეუძლია როგორც ჩვეულებრივი, ასევე ბირთვული რაკეტების გაშვება“, - განაცხადა შოიგუმ.
გარდა ამისა, რუსეთის თავდაცვის მინისტრის თქმით, ზოგიერთმა ბელორუსულმა თავდასხმის თვითმფრინავმა შეიძინა ბირთვული იარაღით დარტყმის შესაძლებლობა.
შეგახსენებთ, რომ ვლადიმერ პუტინმა განაცხადა, რომ რუსეთი ივლისისთვის ბელორუსის ტერიტორიაზე ბირთვულ იარაღს განათავსებს.
ალექსანდრ ლუკაშენკო უარყოფს, რომ ეს ნაბიჯი დაშინებისა და შანტაჟის ინსტრუმენტს წარმოადგენს. თუმცა, მან დაიმუქრა, რომ თავის ქვეყანაში სტრატეგიული ბირთვული იარაღის განლაგებას დაუშვებდა.
თუმცა, ზოგიერთი ექსპერტი მიიჩნევს, რომ რუსეთის გეგმა არარეალურია, იმის გათვალისწინებით, რომ პოტენციური ბირთვული ბომბების ობიექტების მშენებლობა არც კი დაწყებულა.
