ფეხბურთის ასოციაციების საერთაშორისო ფედერაციამ (FIFA) უცხოელ მწვრთნელებსა და ფეხბურთელებს რუსულ კლუბებთან კონტრაქტების შეჩერების ნებართვა 2024 წლის 30 ივნისამდე გაუხანგრძლივა, იტყობინება TASS FIFA-ს პრესსამსახურზე დაყრდნობით.
ორგანიზაციის გადაწყვეტილების თანახმად, უცხოელ ფეხბურთელებს ასევე შეუძლიათ შეაჩერონ კონტრაქტები უკრაინის საფეხბურთო ასოციაციის (UAF) წევრ კლუბებთან. კლუბები ამ გადაწყვეტილების შესახებ 2023 წლის 1 ივლისამდე უნდა იყვნენ ინფორმირებულნი.
წესი არ გავრცელდება რუსეთში ან უკრაინაში ამჟამად მომუშავე უცხოელ მოთამაშეებსა და მწვრთნელებზე, ან მათზე, ვინც რუსულ ან უკრაინულ კლუბთან კონტრაქტი 2022 წლის 7 მარტის შემდეგ გააფორმა ან გააგრძელა. მოთამაშეები, რომელთა კონტრაქტებიც შეჩერებულია, ვერ გაიყიდებიან ან იჯარით გაიცემა, ასევე ვერ შეძლებენ კონტრაქტების გაფორმებას რუსეთის ან უკრაინის სხვა კლუბებთან.
2022 წლის 7 მარტს, ფიფამ რუსული კლუბების უცხოელ ფეხბურთელებსა და მწვრთნელებს კონტრაქტების 2022 წლის 30 ივნისამდე შეჩერების უფლება მისცა, თუმცა მოგვიანებით შეჩერება 2023 წლის 30 ივნისამდე გაგრძელდა.
რუსულ კლუბებსა და ეროვნულ ნაკრებს 2022 წლის თებერვლიდან ფიფასა და უეფას ტურნირებში მონაწილეობა აეკრძალათ.
