ინტერნეტში გავრცელდა ვიდეომასალა, სადაც საფრანგეთში მდებარე მაკდონალდსის რესტორანი ნაკელით არის სავსე. ფრანგი ფერმერები პროტესტს გამოთქვამენ, იუწყება „ნოვოე იზდანიე“.
როგორც ამბობენ,უკმაყოფილონი არიან შემოსავლების შემცირებითა და ხარჯების ზრდით. ისინი თვლიან, რომ მთავრობა ზედმეტად არეგულირებს სოფლის მეურნეობის სექტორს. პროტესტის ნიშნად, მათ გადაწყვიტეს ადგილობრივი „მაკდონალდსის“ რესტორანი ნაკელით დაეფარათ.
მსგავსი საპროტესტო აქციები სხვა ევროპულ ქვეყნებშიც იმართება. გერმანიაში, პოლონეთში, რუმინეთსა და ნიდერლანდებში ფერმერების პროტესტი გაიმართა.
მანამდე რუმინეთში ფერმერებმა კონსტანცას პორტის ბლოკირება გააპროტესტეს, რომელიც უკრაინიდან მარცვლეულის ყველაზე დიდ მოცულობას იღებს.
