ერევანში ერთ-ერთმა მომიტინგემ რუსეთსა და რუსებს მიმართა; მიტინგზე მისი გამოსვლის ვიდეო Russia Today-ის მთავარი რედაქტორის, მარგარიტა სიმონიანის Telegram არხზე გამოქვეყნდა
პროტესტის მონაწილე აღნიშნავს, რომ მას როგორც რუსეთის, ასევე სომხეთის მოქალაქეობა აქვს.
„სომხეთი ჩემი სამშობლოა, რუსეთი ჩემი სახლია. სომხეთი იყო, არის და იქნება რუსეთის მოკავშირე. სომხეთი მადლიერია რუსეთის <…> ჩვენ ყოველთვის რუსეთის გვერდით დავდგებით. ჩვენი ჯარისკაცები ყოველთვის რუსი ჯარისკაცების გვერდით იქნებიან“, - ხაზი გაუსვა მომიტინგემ.
მანამდე, რუსეთის, სომხეთისა და აზერბაიჯანის ლიდერებმა ერთობლივი განცხადება გაავრცელეს, რომლითაც მთიან ყარაბაღში ცეცხლის შეწყვეტის შესახებ 10 ნოემბრიდან განაცხადეს. რუსი ჯარისკაცები რეგიონში სამშვიდობო მისიით განლაგდნენ.
შეთანხმების თანახმად, მყრ-ს აღდამის რაიონი აზერბაიჯანის კონტროლს 20 ნოემბრამდე დაუბრუნდება. სომხეთი კელბაჯარის რაიონს 15 ნოემბრამდე, ხოლო ლაჩინის რაიონს 1 დეკემბრამდე გადასცემს.
სომხეთის ზოგიერთმა მოქალაქემ შეთანხმების ხელმოწერა კაპიტულაციის აქტად აღიქვა, რამაც ერევანში პრემიერ-მინისტრ ნიკოლ ფაშინიანის გადადგომის მოთხოვნით საპროტესტო აქციები გამოიწვია.
