ინტერნეტში სატირული ვიდეო გამოქვეყნდა, რომელშიც პოპულარული თამაშის „სუპერ მარიოს“ მოქმედება გელენჯიკის მახლობლად მდებარე სასახლეში გადადის, რომელიც რუსი ოპოზიციონერი ლიდერის, ალექსანდრ ნავალნის გამოძიებიდან არის ცნობილი. ეს სასახლე ფორმალურად რუსეთის პრეზიდენტის, ვლადიმერ პუტინის დიდი ხნის მეგობრის, არკადი როტენბერგის საკუთრებაა.
ვიდეო გამოქვეყნდა მომხმარებლის SHPATEL-ის YouTube არხზე
ვიდეოს ავტორმა პუტინის სასახლის გამოძიებიდან მიღებული ინფორმაცია თამაშ Super Mario-სთან გააერთიანა. „თუ სამართალდამცავ ორგანოებში ვინმე უყურებს ამას, იცოდეს, რომ ვიდეო ჩემი არ არის, ეს როტენბერგისაა!“ - ხუმრობით დაწერა ავტორმა კომენტარში.
„ამჯერად, უბრალო ულვაშიანი სანტექნიკოსი 8-ბიტიანი თამაშების ისტორიაში უდიდეს ციხესიმაგრეში შეაღწევს, რათა გაარკვიოს, სად გაქრა ჩვენი უზარმაზარი ქვეყნიდან თითქმის ყველა მონეტა“, - წერს ავტორი ვიდეოს წარწერაში.
გამოქვეყნებულ ვიდეოში მარიოს კანალიზაციის გავლით სასახლეში შესასვლელად FSB-ის კორდონების გვერდის ავლით უწევს შესვლა. ოქროსფერი ტუალეტიდან გამოსვლისას, სანტექნიკოსი ოქროსფერ ტუალეტის ჯაგრისებს ერიდება. ის ასევე პენსიის გაზრდას წყვეტს და პირობებს იგონებს, რათა ალექსეი ნავალნის სახელი არ ახსენოს. ადგილებს შორის, რომლებსაც თამაშის მთავარი გმირი სტუმრობს, არის ჩილიმ-ბარი და აკვა-დისკო, რომლებიც გამოძიებაში იყო ნახსენები.
