ესპანური კლუბ „სელტა ვიგოს“ რუსმა თავდამსხმელმა ფიოდორ სმოლოვმა ჩინეთი კორონავირუსის საფრთხის წინააღმდეგ ბრძოლაში უპასუხისმგებლო ქმედებებში დაადანაშაულა.
„ჩინეთის მიმართ ორაზროვანი გრძნობები მაქვს. ერთი მხრივ, შთაბეჭდილება მოახდინა ჩემზე იმან, თუ როგორ გაუმკლავდნენ ისინი ამ სიტუაციას: საკმაოდ სწრაფად, ევროპაში მიმდინარე მოვლენებთან და მოსახლეობასთან შედარებით. მაგრამ მეორე მხრივ, როდესაც ყველაფერი იქ დაიწყო, ისინი ძალიან უპასუხისმგებლოდ იქცეოდნენ ვირუსის მთელ ევროპაში გავრცელებასა და ყველას დაინფიცირებაში“, - Sport24.
სმოლოვი ზამთრის სატრანსფერო ფანჯრის დროს იჯარით „სელტა ვიგოში“ გადავიდა. ფედორმა ესპანეთის ლიგაში ექვსი მატჩი ჩაატარა და ერთი გოლი გაიტანა „რეალ მადრიდის“ წინააღმდეგ. მოთამაშის უფლებები „ლოკომოტივ მოსკოვის“ საკუთრებაა.
ესპანეთის ლიგა ამჟამად შეჩერებულია ევროპაში კორონავირუსის გავრცელების გამო. „სელტა“, რომელიც ქვეყნის უმაღლეს დივიზიონში დარჩენისთვის იბრძვის, ამჟამად ცხრილში მე-17 ადგილზეა.
წაიკითხეთ წყარო
