„საერთაშორისო მონაცემთა კორპორაციამ“ (IDC) მიმდინარე წლის მეორე კვარტალში პლანშეტურ კომპიუტერებზე მოთხოვნის უპრეცედენტო ზრდა დააფიქსირა EMEA-ს რეგიონში (ევროპა, მათ შორის რუსეთი, ახლო აღმოსავლეთი და აფრიკა).
აპრილიდან ივნისამდე, EMEA-ს ბაზარზე 11.9 მილიონი პლანშეტი გაიყიდა. ეს თითქმის 23.8%-იან ზრდას წარმოადგენს 2019 წლის მეორე კვარტალთან შედარებით, როდესაც გადაზიდვებმა 9.6 მილიონი ერთეული შეადგინა. ეს 2013 წლის შემდეგ ყველაზე მნიშვნელოვან ზრდას წარმოადგენს.
გაყიდვების ასეთი მკვეთრი ზრდა პანდემიის გავლენით აიხსნება: თვითიზოლაციის, დისტანციური მუშაობისა და დისტანციური სწავლების პირობებში მომხმარებლებს დამატებითი გამოთვლითი მოწყობილობები სჭირდებოდათ.
Samsung-ი EMEA-ს რეგიონში პლანშეტების ბაზარზე ყველაზე დიდი მოთამაშეა 28.3%-იანი წილით. Apple მეორე ადგილზეა 21.5%-ით, ხოლო Huawei მესამეზე 15.0%-ით. მოჰყვებიან Lenovo და Amazon, შესაბამისად, 12.1%-ით და 3.8%-ით.
ამგვარად, ხუთმა კომპანიამ ინდუსტრიის 80%-ზე კონტროლი დაადასტურა. წინა კვარტლის ბოლოს, ყველა სხვა მომწოდებელს ერთად ბაზრის 19.3% ეკავა.
ანალიტიკოსები პროგნოზირებენ, რომ 2020 წელს EMEA-ს რეგიონში დაახლოებით 45.0 მილიონი პლანშეტური კომპიუტერი გაიყიდება. თუ ეს მოლოდინები გამართლდება, ეს 2019 წელთან შედარებით 3.7%-იან ზრდას წარმოადგენს.
