ტაივანური გამოცემა Digitimes-ის ცნობით, Apple-ი ახალი ეკრანებით iPad Pro-სა და MacBook-ებს გამოუშვებს.
ამერიკული კორპორაცია, სავარაუდოდ, 2021 წელს ახალი ტიპის დისპლეით სულ მცირე ორ გაჯეტს წარადგენს. გასაიდუმლოებული ანგარიშის თანახმად, Apple გამოუშვებს iPad Pro-სა და MacBook-ებს მინი-LED მატრიცებზე დაფუძნებული ეკრანებით. ეს დისპლეები აღჭურვილია ძალიან პატარა ორგანული სინათლის გამოსხივების დიოდებით (OLED) და IPS მატრიცებთან შედარებით უფრო მდიდარ, კაშკაშა და მაღალი კონტრასტის მქონე გამოსახულებებს გვთავაზობს.
ინსაიდერები ამბობენ, რომ Apple 2021 წლის პირველ კვარტალში წარადგენს პირველ iPad Pro-ს მინი-LED დისპლეით. წლის მეორე ნახევარში კომპანია გამოუშვებს MacBook-ს მინი-LED დისპლეით და საკუთარი M1 პროცესორით.
ანგარიშში მოწყობილობის სპეციფიკაციების შესახებ დამატებითი დეტალები არ არის მოცემული, თუმცა წყაროების ცნობით, Apple-მა უკვე დაგეგმა მომავალი მოწყობილობების წარმოება. მინი-LED პანელებს ტაივანში მოქმედი პარტნიორები მოამარაგებენ, ხოლო ახალი MacBook-ის წარმოებაზე Quanta Computer და Foxconn იქნებიან პასუხისმგებელი.
Apple-მა 10 ნოემბერს წარადგინა ლეპტოპები და პერსონალური კომპიუტერი საკუთარი M1 პროცესორით. კომპანიამ განმარტა, რომ ჩიპი შემუშავდა 5 ნანომეტრიანი პროცესის გამოყენებით და დაფუძნებულია ARM არქიტექტურაზე. რუსეთში M1 პროცესორით აღჭურვილი MacBook Pro-ს ფასი 130,000 რუბლიდან იწყება, MacBook Air-ის ფასი მინიმუმ 100,000 რუბლი იქნება, ხოლო Mac mini-ს ფასი 75,000 რუბლია.
