გუშინ საღამოს გარდაცვლილი საბჭოთა კავშირის ყოფილი პრეზიდენტის, მიხეილ გორბაჩოვის დაკრძალვა შაბათს გაიმართება. ეს ამბავი „ინტერფაქსს“ პოლიტიკოსის ქალიშვილმა, ირინამ დაუდასტურა.
მიხეილ გორბაჩოვის დაკრძალვა პროფკავშირების პალატის სვეტებიან დარბაზში გაიმართება. ცერემონიას, სავარაუდოდ, გორბაჩოვის ქალიშვილი დაესწრება, რომელიც ამჟამად მოსკოვში იმყოფება. ria.ru წყაროზე დაყრდნობით იუწყება.
მიხეილ გორბაჩოვი 30 აგვისტოს, მოსკოვში, ხანგრძლივი და მძიმე ავადმყოფობის შემდეგ გარდაიცვალა. მას ცოტა ხნის წინ თირკმლის დაავადება ჰქონდა და ჰემოდიალიზს გადიოდა. ის 91 წლის იყო.
გორბაჩოვის ფონდმა განაცხადა, რომ დაკრძალვა მოსკოვში, ნოვოდევიჩის სასაფლაოზე გაიმართება. პოლიტიკოსი მეუღლის, რაისას გვერდით დაკრძალავენ.
