ევგენი პრიგოჟინს ჩხრეკის დროს აღმოჩენილი არსენალი დაუბრუნდა, მათ შორის პისტოლეტი, რომელიც მას რუსეთის თავდაცვის მინისტრმა ერთხელ გადასცა. ამის შესახებ „ფონტანკამ“ ოთხშაბათს, 5 ივლისს, გაავრცელა ინფორმაცია.
ოფიციალური ცერემონია წინა დღეს გაიმართა სანქტ-პეტერბურგისა და ლენინგრადის ოლქის FSB-ის შტაბ-ბინაში, ლიტეინის პროსპექტზე. პრიგოჟინს დაუბრუნდა ორი Saiga კარაბინი, ავსტრიული Steyr Mannlicher-ის შაშხანა, AR-1 ნახევრადავტომატური შაშხანა და რამდენიმე სხვა თოფი და პისტოლეტი. დაბრუნებულ ნივთებს შორის იყო კოლექციის ყველაზე პრესტიჟული ნივთი - პერსონალიზებული Glock, რომელიც პრიგოჟინს სერგეი შოიგუმ გადასცა.
