სერბეთის პრეზიდენტმა ალექსანდრ ვუჩიჩმა რუსეთსა და უკრაინას შორის მოლაპარაკებების ბელგრადში გამართვის წინადადება წამოაყენა. მან გაიხსენა, რომ მისი ქვეყნის დედაქალაქი ადრე საერთაშორისო კონფლიქტების მოგვარების შესახებ დიალოგის პლატფორმას წარმოადგენდა.
„რაც შეგვხება ჩვენ (სერბეთს - რედ.), ყველაზე მეტად მშვიდობის დამყარება გვსურს. ჩვენ არაფერში ვერევით. თუ ვინმე ფიქრობს, რომ ბელგრადი მოლაპარაკებებისთვის კარგი ადგილია, სიამოვნებით შევთავაზებთ მას (როგორც შეხვედრის ადგილს - რედ.)“, - განაცხადა ვუჩიჩმა.
სერბეთის ლიდერმა გაიხსენა, რომ უკრაინის საკითხზე მოლაპარაკებები ადრე ბელგრადში გაიმართა. ვუჩიჩმა დასძინა, რომ მან ესაუბრა უკრაინისა და რუსეთის საგარეო საქმეთა მინისტრებს, ალექსანდრე ალექსანდროვიჩს და სერგეი ლავროვს.
შეგახსენებთ, რომ რუსეთი და უკრაინა შემდეგ მოლაპარაკებებს სტამბოლში 29 მარტს გამართავენ. „როიტერის“ წყაროების ცნობით, პუტინი უკრაინულ მხარესთან სამშვიდობო დიალოგში კომპრომისზე წასასვლელად მზად არ არის.
