დონკერვურტმა ოფიციალურად წარადგინა D8 GTO.
ჰოლანდიურმა სპორტული ავტომობილების მწარმოებელმა კომპანია Donkervoort-მა ოფიციალურად წარმოადგინა ექსტრემალური ნახშირბადის ბოჭკოვანი როდსტერი D8 GTO. ის ბრენდის დამფუძნებლის, იოპ დონკერვურტის 70 წლის იუბილეს აღსანიშნავად აშენდა.
უკანა წამყვანი თვლებიანი მოდელი კომპანიის მთელ ხაზში ყველაზე მძლავრია, მისი 2.5 ლიტრიანი ტურბოძრავით, რომელიც 421 ცხენის ძალას და 520 ნმ ბრუნვის მომენტს გამოიმუშავებს. აგრეგატი ხუთ სიჩქარიან მექანიკურ გადაცემათა კოლოფთან არის შეწყვილებული.
ნახშირბადის ბოჭკოვანი კომპონენტების წყალობით, ავტომობილი მხოლოდ 700 კილოგრამს იწონის. როდსტერი 0-დან 100 კილომეტრამდე საათში 2.7 წამში აჩქარებს, ხოლო 0-დან 200 კილომეტრამდე საათში 7.7 წამში. მაქსიმალური სიჩქარე საათში 280 კილომეტრით არის შეზღუდული.
როდსტერი ასევე უჩვეულოა პიკური აჩქარების მაჩვენებლებით: მოსახვევებში ისინი 2 გრამს აჭარბებენ, დგომიდან დაწყებით სტარტის დროს კი 1.02 გრამს აღწევენ, ხოლო ნახევრად სლიკ საბურავებზე დამუხრუჭებისას 1.65 გრამს. შედარებისთვის, ელექტრო Volkswagen ID.R-მა მაქსიმალური გვერდითი აჩქარება 3.49 გრამს მიაღწია, ხოლო დამუხრუჭების დროს გრძივი შენელება 2.7 გრამს.
