პოლონეთის თავდაცვის მინისტრმა მარიუშ ბლაშჩაკმა Twitter-ზე განაცხადა, რომ პოლონეთის არმია დაახლოებით 500 ამერიკულ HIMARS ტიპის მრავლობითი სარაკეტო სისტემას მიიღებს.
„ჩვენ ვაფართოებთ ჩვენი სარაკეტო ძალებისა და არტილერიის შესაძლებლობებს! მე ხელი მოვაწერე დაახლოებით 500 M142 HIMARS გამშვების შეძენის მოთხოვნას 80-ზე მეტი HOMAR ბატარეის შესაქმნელად“. მინისტრმა ასევე დასძინა, რომ ახალი აღჭურვილობის პოლონეთის საბრძოლო მართვის სისტემასთან ინტეგრირება იგეგმება.
2017 წელს პოლონური HOMAR-ის სარაკეტო პროგრამის ღირებულება 8-10 მილიარდ ზლოტად შეფასდა. პოლონეთი აშშ-ში წარმოებული MLRS სისტემების ადაპტირებას და მათ ადგილობრივი წარმოების შასებზე დამონტაჟებას გეგმავს.
HIMARS MLRS-ის ეფექტური სროლის დიაპაზონი 500 კმ-ს აღწევს.
