ინტერნეტში გამოჩნდა რენდერები, რომლებზეც დამოუკიდებელი დიზაინერი აჩვენებს, თუ როგორი შეიძლება იყოს რუსული ბრენდის, Lada-ს, ელექტროველოსიპედი.
აღსანიშნავია, რომ ადგილობრივ კომპანია AvtoVAZ-ს ელექტრომობილების სფეროში საკმაოდ წარმატებული გამოცდილება აქვს. ავტომწარმოებელი კომპანია 2012 წელს გამოუშვებს Lada Ellada-ს ელექტრომობილების საპილოტე პარტიას, რომელიც Kalina-ს მოდელზე იქნება დაფუძნებული.
თუმცა, დამოუკიდებელმა მოსკოველმა დიზაინერმა მაქსიმ ბუროვმა გადაწყვიტა წარმოედგინა, როგორი იქნებოდა ელექტრო კროსოვერი, თუ Lada-ს ბრენდი ამ სეგმენტში შესვლას გადაწყვეტდა. რენდერირებულ სურათებზე ელექტრო კაფე-რეისერია გამოსახული.
ამ მძლავრი მოტოციკლის დიზაინი თანამედროვე სტილშია შესრულებული - მას აქვს მაღალტექნოლოგიური LED ფარები, ხოლო უკანა ფარები ვიწრო ზოლის სახითაა შექმნილი. ასევე აღსანიშნავია კორპუსის ელემენტები, რომლებიც ნახშირბადის ბოჭკოსა და ალუმინისგან არის დამზადებული.
მოტოციკლის, როგორც Lada-ს იდენტურობაზე მიუთითებს დიზაინერ სტივ მატინის მიერ შექმნილი „X“ სიმბოლოები, ასევე ლოგო, რომელიც დაფასთან და მოტოციკლის კორპუსზეა განთავსებული. თუმცა, ამ მოდელის არსებობა ძალიან საეჭვოა.
