Apple-ის ყოფილმა დიზაინერმა იმრან ჩაუდჰრიმ TED-ის ღონისძიებაზე წარმოადგინა ხელოვნური ინტელექტის პლატფორმით აღჭურვილი ტარებადი მოწყობილობა, რომელიც გამოსახულებებს ხელზე პროეცავს.
ჩოუდჰრიმ საკუთარი სტარტაპი, Humane, დააარსა, რომელიც ამ მოწყობილობას ავითარებს და აწარმოებს. გაჯეტი ტანსაცმლის ქვეშაა დამალული, რის გამოც მხოლოდ გამოსახულების ჩვენების ლინზები, ასევე კამერა და დინამიკები ჩანს.
დიზაინერი აცხადებს, რომ მისი შემუშავება მომავალში სმარტფონებს ჩაანაცვლებს. წარმოდგენილ ფუნქციებს შორისაა რეალურ დროში მეტყველების თარგმნა და შემომავალ ზარებზე პასუხის გაცემის შესაძლებლობა. მიუხედავად იმისა, რომ ეს ყველაფერი მოწყობილობის ყველა მახასიათებლისგან შორს არის, კომპანია ჯერ არ არის მზად მათი დემონსტრირებისთვის; ის მათ უფრო ნათლად მომდევნო თვეებში წარმოაჩენს.
სიაში უკვე შესულ ინვესტორებს შორის არიან Microsoft, Volvo Cars Tech Fund, Qualcomm Ventures და OpenAI-ის აღმასრულებელი დირექტორი სემ ალტმანი. ინვესტიციის ჯამური მოცულობა დაახლოებით 230 მილიონ დოლარს შეადგენს.
