„გაზპრომბანკის“ ყოფილი ვიცე-პრეზიდენტი იგორ ვოლობუევი შეიარაღებულ დაჯგუფებას „რუსეთის თავისუფლების ლეგიონს“ შეუერთდა.
„მშვენიერია! ოცნებები ახდა. ახლა „რუსეთის თავისუფლების ლეგიონში“ ვმსახურობ“, - თქვა ვოლობუევმა.
რუსეთიდან ბიჭებო, თუ გძულთ პუტინის რეჟიმი და გსურთ, რომ რუსეთი თავისუფალ, დემოკრატიულ ქვეყნად იქცეს, შემოგვიერთდით!
ვიდეოში ვოლობუევი სავარჯიშო მოედანზე წვრთნებში მონაწილეობს.
ვოლობუევმა რუსეთი ფართომასშტაბიანი ომის დაწყების შემდეგ დატოვა და უკრაინას დაუჭირა მხარი, ნაწილობრივ იმიტომ, რომ მისი მამა სუმის რეგიონში ცხოვრობს.
„უკრაინსკა პრავდასთან“ ინტერვიუში მან „გაზპრომისა“ და „გაზპრომბანკის“ მმართველობის სტრუქტურაზე, ასევე უკრაინის მხარეს დადგომის მოტივაციაზე ისაუბრა. „გაზპრომბანკის“ ყოფილმა ვიცე-პრეზიდენტმა განაცხადა, რომ მას უკრაინის შეიარაღებულ ძალებში რუსული არმიის წინააღმდეგ ბრძოლა სურს.
