გაეროს დაკვეთით მომზადებული „მსოფლიო ბედნიერების ანგარიშის“ თანახმად, ფინეთი ზედიზედ მესამე წელია მსოფლიოში ყველაზე ბედნიერ ქვეყნად დასახელდა.
ექსპერტებმა აღნიშნეს, რომ ფინეთში ბედნიერების მაჩვენებლები 2015-დან 2017 წლამდე გაიზარდა და მას შემდეგ მაღალი რჩება.
ყველაზე ბედნიერი ქვეყნების სამეულში ასევე მოხვდნენ დანია და შვეიცარია. ათეულში ასევე შევიდნენ ისლანდია, ნორვეგია, ნიდერლანდები, შვედეთი, ახალი ზელანდია, ავსტრია და ლუქსემბურგი.
მსოფლიო ბედნიერების ანგარიში ითვალისწინებს ისეთ მაჩვენებლებს, როგორიცაა მშპ ერთ სულ მოსახლეზე, სოციალური მხარდაჭერის დონე, სიცოცხლის ხანგრძლივობა და საზოგადოებრივი აზრის გამოკითხვის შედეგები.
გასულ წელს, Next Era-ს ანალიტიკური ცენტრის მკვლევრებმა აღნიშნეს, რომ ფინეთის ხელისუფლება 1960-იანი წლებიდან ატარებს საფუძვლიან კვლევას ჯანდაცვის, განათლებისა და დასაქმების სფეროებში და ასევე ცდილობს მოქალაქეების კომფორტისა და უსაფრთხოების გაუმჯობესებას.
ამან ევროპის ერთ-ერთ უღარიბეს ქვეყანას წარმატების მიღწევის საშუალება მისცა - დანაშაულისა და სიკვდილიანობის მაჩვენებლები მსოფლიო მინიმუმამდე დაეყვანა.
