მოლდოვა ზრდის მზადყოფნის დონეს და აძლიერებს სახელმწიფო ინსტიტუტების უსაფრთხოებას.
დნესტრისპირეთში ვითარების ესკალაციას რეგიონში არსებული ომის მომხრე ძალები უწყობენ ხელს, რომლებიც უსაფრთხოების დესტაბილიზაციით არიან დაინტერესებულნი.
TV8VD-ის ცნობით, ამის შესახებ მოლდოვას პრეზიდენტმა მაია სანდუმ უშიშროების საბჭოს სხდომის შემდეგ გამართულ ბრიფინგზე განაცხადა.
„ჩვენი ანალიზი მიუთითებს დაძაბულობაზე დნესტრისპირეთში არსებულ სხვადასხვა ძალებს შორის, რომლებიც დაინტერესებულნი არიან სიტუაციის დესტაბილიზაციით. ეს რეგიონს დაუცველს ხდის და რისკებს უქმნის მოლდოვასთვის. ჩვენ ვგმობთ ნებისმიერ პროვოკაციას და მცდელობას, მოლდოვა ისეთ ქმედებებში ჩართონ, რამაც შეიძლება საფრთხე შეუქმნას ქვეყანაში მშვიდობას“, - ციტირებს NewsMaker პრეზიდენტის სიტყვებს.
მოლდოვას ხელისუფლება დნესტრისპირეთის ბლოკირებას არ აპირებს და სიტუაციის მშვიდობიან მოგვარებას მხარს დაუჭერს. თუმცა, სანდუ პუტინთან რაიმე სახის მოლაპარაკებების გამართვას არ გეგმავს.
მოლდოვა ზრდის მზადყოფნის დონეს და აძლიერებს სახელმწიფო ინსტიტუტების უსაფრთხოებას.
აფეთქებები დნესტრისპირეთში: რა არის ცნობილი?
25 აპრილს, დღისით, ტირასპოლში „სახელმწიფო უშიშროების სამინისტროს“ შენობაში აფეთქებები მოხდა, ხოლო მეორე დღეს ტელევიზიის სამაუწყებლო კოშკი ააფეთქეს.
უკრაინის დაზვერვამ გამოაქვეყნა დოკუმენტი, რომელიც მიუთითებს რუსეთის დაზვერვის სამსახურების მონაწილეობაზე ტირასპოლში აფეთქებების ორგანიზებაში.
ავტორების აზრით, ინციდენტები მიზნად ისახავს უკრაინის ტერიტორიაზე ომის გამართლებას ან „პმრ“-ის ბრძოლაში ჩართვას. დაზვერვის წარმომადგენლები მიიჩნევენ, რომ ეს შეიძლება იყოს ან ტერიტორია გარკვეული მობილიზაციის რეზერვით, ან ტერიტორია, საიდანაც რუს ჯარებს შეუძლიათ უკრაინის ტერიტორიაზე თავდასხმების განხორციელება.
